Home / اردو ادب / شاعری / مجھ کو آپ اپنا آپ دیجیے گا (جون ایلیا)

مجھ کو آپ اپنا آپ دیجیے گا (جون ایلیا)

مجھ کو آپ اپنا آپ دیجیے گا
اور کچھ بھی نہ مجھ سے لیجیے گا

آپ بے مثل، بے مثال ہوں میں
مجھ سوا، آپ کس پر یجھیے گا

آپ جو ہیں ازل سے ہی بے نام
نام میرا کبھی تو لیجیے گا

آپ بس مجھ میں ہی تو ہیں، سو آپ
میرا بے حد خیال کیجیے گا

ہے اگر واقعی شراب حرام
آپ ہونٹوں سے میرے پیجیے گا

انتظاری ہوں اپنا میں دن رات
اب مجھ آپ بھیج دیجیے گا

آپ مجھ کو بہت پسند آئیں
آپ میری قمیص سی جیے گا

دل کے رشتے ہیں جونؔ جھوٹ کے سچ
یہ معما کبھی نہ بوجھیے گا

ہے مرے جسم و جاں کا ماضی کیا
مجھ سے بس یہ کبھی نہ پوچھیے گا

مجھ سے میری کمائی کا سرِ شام
پائی پائی حِساب لیجیے گا

زندگی کیا ہے اک ہنر کرنا
سو، قرینے سے زہر پیجیے گا

میں جو ہوں، جونؔاِیلیا ہوں جناب
اس کا بے حد لحاظ کیجیے گا

جون ایلیا

About محمد سلیم

محمد سلیم ایک کمپیوٹر پروگرامر ہیں اور ایک سافٹ وئیر ہاوس چلا رہے ہیں۔ سائنس خصوصا فلکیات پر پڑھنا اور لکھنا ان کا مشغلہ ہے۔ ان کے مضامین یہاں کے علاوہ دیگر کئی ویب سائٹس پر بھی پبلش ہوتے ہیں۔

Leave a Reply

Your email address will not be published. Required fields are marked *